Кёп функциялы ара борчун тынгылы толтурады

Къабарты-Малкъарда «Мени документлерим» кёп функциялы  араны бёлюмю  350 къырал эм 40 муниципал жумушланы тамамлайды. Бюгюнлюкде   коронавирус жайылыргъа къоркъуулу кезиуде   приёмгъа алгъадан жазылыргъа керекди.  Кюн сайын МФЦ-ны бёлюмлери  юч мингден аслам адамгъа  къарайдыла.

Бир тюрлю соруу болгъан  «къызыу ызгъа» бу телефон номер бла сёлешип жууап табаргъа боллукъду  - 8 (800) 100-32-82.  Андан сора да, адамлагъа тынч болурча тюрлю-тюрлю коммуникацияла -  онлайн-чат, «Мои Документы КБР» -мобиль приложение эм  араны сайты  ишлейди.    

 Кёп функциялы арагъа  келгенлеге тап болур ючюн битеу  онгла къуралгъандыла. Ол санда бар жумушла да «бир терезе» амал бла тамамланадыла, адамла кезиулерин кёп сакъламазларына   да    аслам эс бурулады.