Ахчадан къуру къалмазча

Быйыл  1 февральдан башлап борчлары болгъанла ай сайын банк счётларында   жашау этерге  жетерик ахчаны эм аз ёлчемин сакъларча  онглары барды.   Аны юсюнден бизге Россейни Сюд приставларыны Къабарты-Малкъарда Управлениясыны  пресс-службасындан билдиргендиле.

Башында айтылгъаныча, борчлуну жашау этерге  жетерик ахчаны эм аз ёлчеми  сакъланырча  гарантиялы эркинлик бериледи. Болсада ол автомат халда толтурулмайды. Аны ючюн  сюд приставлагъа заявление  эм ай сайын тюшюрюлген файданы юсюнден документлени да  берирге керекди.

Заявлениягъа кёре, сюд приставла тыйылыргъа тийишли ахчаны ёлчемин белгилеп, тийишли постановленияны  банкга жибередиле. Ол себепден банк неда башха кредит организация  анда айтылгъандан кёп   взыскание этерге эркин болмайды.  Ол кеси да энчи бир регион, банк эм счёт бла байламлы болады.  Сёз ючюн, бир тюрлю регионда жашау этерге  жетерик ахчаны эм аз ёлчеми саулай къыралда белгиленнген орта эсепден кёбюрек эсе да, жеринде  жюрюген кёрюмдю хайырланады. 

Андан сора да,  борчлуну къолуна    сакъат неда башха бир тюрлю инсан къарай эсе,  ол  жашау этерге  жетерик ахчаны эм аз ёлчеминден кёбюрек сакъларча сюдге заяление берирге  боллукъду.