Автобусла тохтагъан жерлени - шахарчыла сюйгенлей

17 апреля, 2019 - 09:55

Жууукъ заманда  Ленин атлы проспектде  автобусла тохтагъан жерле жангыртыллыкъдыла. Аланы тюрсюнлерин  нальчикчиле кеслери сайлагъандыла, деп билдиргендиле шахар округну администрациясыны пресс-службасындан.

Жамауатны  48,6 проценти  Нальчикде «Классик» комплексге бюсюрегенди. Ол шёндюгю материалладан жарашдырылгъан объектди. Башы къанжал бла жабылгъан, тёгереги уа мияла бла. Ичи да  акъгъа  бояллыкъды, шинтиги уа нарат терекден ишленирикди. Комплексге  дагъыда  реклама кёргюзтюучю «сити-лайт», камерала эмда Wi-Fi кирликдиле.

Проспектде иш тамам этилгенден сора шахарны башха орамларында да быллай жерлени жангыртыргъа дейдиле. Ол да адамланы оюмларын сюзгенден сора къолгъак алынырыкъды.

 

  • 33 просмотра
Поделиться: