- Ёзек тема республикагъа экономика жаны бла хайырлы проектлени бардырылыу онглары

Москвагъа иш бла барыуну чегинде Казбек Коков жеринден тепдирилмеген ырысхы эм активле бла ишлеу проектлеге управление этген бёлюмню таматасы, «ВЭБ.РФ» айныуну къырал корпорациясыны правленини келечиси Александр Тарабрин бла тюбешгенди.

Бюгюнлюкде «ВЭБ.РФ» экономиканы айнытыу проектлени ахча бла жалчытхан уллу къырал инвестиция банкды.  Коммерциялы банкла бла партнёрлукъда «ВЭБ.РФ» инфраструктураны, промышленностьну, социал бёлюмню айныуларына бурулгъан уллу проектлени финансированиясы бла кюрешеди.

Тюбешиуню кезиуюнде эки жаны да къурулуш эм инфраструктура бёлюмледе республикагъа экономика жаны бла хайырлы проектлени бардырылыу онгларын сюзгендиле. Энчи эс регионну тийресинде проблемалы активле бла ишлеуге, аланы редевелопментлерине, бурулгъанды. Сёз Элбрус районда «Каббалкгипс» предприятияны ишин жангыдан башлар ючюн инвесторланы сейирлерин къозгъауну юсюнден да баргъанды. Къабарты-Малкъарны тийресинде бардырыргъа боллукъ проектлени экономика амалларын алгъадан тинтиу жаны бла байламлыкъланы юсюнден келишим да этилгенди.