«Къабарты-Малкъар» къырал телерадиокомпаниягъа – 95 жыл

Къабарты-Малкъар Республиканы Башчысы Казбек Коков «Къабарты-Малкъар» ГТРК-ны келечилерин организация къуралгъанлы 95 жыл толгъаны бла алгъышлагъанды.

«Багъалы шуёхла! 95 жыл мындан алгъа Къабарты-Малкъарда энчи радиовещательный станцияны биринчи кере чакъырыу белгилери эшитилгендиле, 30 жылдан сора уа биринчи телевидение трансляцияла башланнгандыла.  Ол жылланы ичинде бизни регион радиону эм телевиденияны келечилери республикада болумлагъа эм тюрлениулеге тири къошуладыла», - деп айтылады республиканы Башчысыны алгъышлау сёзюнде.

«Бюгюнлюкде «Къабарты-Малкъар» ГТРК республиканы информация бёлюмюнде алчыладан бириди. Ол а анда ишлегенлени бийик профессионаллыкъларыны, сюйген ишлерине берилгенлерини, борчларын толтургъан кезиулеринде чыгъармачылыкъ кёз къарамларыны хайырынданды. Сизни, журналистлени, алгъын тёлюлери къурагъан тёрелени сакъларгъа итиннгенигиз, журналист этикагъа кёре уруннганыгъыз, информацияны терк эм тюз кёргюзтгенигиз къууандырады, - деп белгилегенди Казбек Коков. – Усталыгъыгъыз, профессионаллыгъыгъыз эм борчугъузгъа кертилигигиз мындан арысында да телерадиокомпанияны аллында салыннган жууаплы жумушланы толтурууда себеплик этериклерине ийнанама. Къууанчлы кюн бла сизни алгъышлайма, саулукъ-эсенлик, жангы чыгъармачылыкъ жетишимле тежейме».