Россейни биринчилигине къатышырыкъдыла

Къабарты-Малкъарны художестволу гимнастикадан федерациясыны вице-президенти Наталья Короткова билдиргенича, республиканы гимнасткалары СКФО-ну бла ЮФО-ну биринчилигинде жетишимли болгъандыла.

Эришиу Владикавказны «Манеж» спорт арасында бардырылгъанды, анга округланы регионларындан 11-15-жыллыкъ спортчула къатышхандыла. 1-чи спорт разрядны программасына кёре энчи эм командалы зачётлада эм спортну устасына кандидатны нормативин толтурур ючюн 300-ге жууукъ гимнастка сынашхандыла. Эсеплеге кёре, республикабызны къаууму битеукоманда зачётда ючюнчю жерни алгъанды. Спортну устасына кандидатны нормативин толтуруу программада ючюнчю жерге Терекни «Грация» къаууму чыкъгъанды, аны тренер Зинаида Шомахова хазырлагъанды. Ала энди Россейни биринчилигине атланырыкъдыла, ол а мартны биринчи жарымында Москвада боллукъду.