Спортчулада, аланы тренерлеринде да – алтын майдалла

Москвада «Братеево» физкультура-саулукъ кючлеу комплексде «Щитовну кубогу» деген ат бла каратени кёкусинкай тюрлюсюнден битеукъырал эришиу бардырылгъанды, ол даражасы бла Россейни чемпионатына тенг болгъанды. Анга 6-50-жыллыкъ эки жюзден аслам спортчу къатышхандыла.

Жаш спортчуланы араларында бизни республикадан биринчи жерге Джантууланы Адлан чыкъгъанды.

Абадан каратечилени араларында «алтынны» Ностуланы Ислам алгъанды. Ол, кеси 63 килограмм болгъанлыкъгъа, 80 килограмм ауурлукъда сермешгенди. Ислам тёрт тюбешиуюнде  ачыгъан эсе да, къаршчы спортчулагъа аз да онг бермегенди.

Ючюнчю алтын майдалны уа чемпионланы тренерлери Мурат Думанишев келтиргенди. Ол ветеранланы араларында эм кючлю болгъанды.

Суратда: акъ кимонода Ностуланы Ислам.