Жолчула къышха хазырдылаШимал Кавказда жоллагъа къарагъан «Кавказ» Управление къышха тынгылы хазырланнганды. Регионда трассалада бу кезиуде 52 машина хайырланыллыкъды, ол санда онеки экскаватор, жети грейдер, эки бульдозер эмда ауур жюкле ташыгъан техника да барды. Ала бары да «Дортранснавигация» системагъа къошулупдула, деп билдиргендиле Управлениядан. Къышда жолчуланы ишлери бютюнда кёп болады. Трассаланы, тротуарланы, автобусла тохтаучу жерлени, светофорланы, белгилени къардан бла бузкъаудандан дайым тазалап турургъа тюшеди. Быйыл бу кезиуге юзмезден бла туздан 17 минг тонна хазыр этилгенди. Андан 1,6 минг тоннасы хайырланылгъанды. Жолчула тийишли базаларын жер-жерледе къурагъандыла. Транспортну жюрюуюне чурум болса, къошакъ маршрутланы да белгилегендиле. Бегирек да Минги тауну этеклеринде эмда Огъары Малкъар таба баргъан жоллагъа сакъдыла. Ведомствону специалистлери кёп жерледе жол метеостанцияла орнатхандыла, МЧС-ни ГИБДД-ни, Гидрометеорология араны бёлюмлери бла байламлыкъла да къурагъандыла. Водительлеге уа, кюн бузулса жолда бек сакъ болургъа, машинаны хыны жюрютмезге, къызыу бармазгъа чакъырадыла. Управленияны кече, кюн да ишлеген диспетчер службасыны телефон номери буду: +7 (8793) 33-11-59.
Поделиться:
Читать также:
23.04.2024 - 17:25 →
Льготачыла тёлеулерин жарымын артха къайтараллыкъдыла
23.04.2024 - 09:00 →
Махтаулу уланларыбыз
22.04.2024 - 14:54 →
«Жигитлени кезиую» - оноучуланы сайлайды
22.04.2024 - 12:17 →
Жерлерибизни тюз атларын сакъласакъ тюз болур эди
22.04.2024 - 12:01 →
«Сабийлени туугъан жерлерине, тилге сюймекликлерин ёсдюргенлей турабыз»
|