Аш оруннга жарагъан халкъ амалла

         Мыстыкъулакъ

Аны тамырлары бла чапыракълары аш оруннга бек къыйматлы дарманнга саналадыла. Аладан  уллу къашыкъ бла бир-эки кере аласыз да, стакан бла бир къайнар суу къуясыз. Аны бир урумгъа ичип къояргъа керекди. Бу дарман сууну бир кюннге бир ненча кере да ичерге жарайды.

               Къасмакъ

Бу битимни чапыракъларын бла бутакъларын ууакъ туурайдыла, уллу къашыкъ бла бирини юсюне сууукъ сууну къуядыла, сел отха салып къайнатадыла. Алай этип, 5 минутну тутаргъа, сууугъандан сора сюзюп, саулай ичип къояргъа керекди. Керек болса,  битеу ол амалны къайтарыргъа боллукъду. Эмен эмда алма тереклени къабукъларындан дарман сууланы да алай хазырлайдыла.

                     Къара ишхилди

Къара ишхилдини бла къара жумукъулну (черёмуха) жемишлерин да  хайырланадыла къыйматлы дарманныча. Аладан компот эм кисель да этедиле. Аланы мардасыз адамны кёлюне жарашханыча ичерге болады.

                   Татыран

Ууланнган чегилени сау этер ючюн, татыранны унун да хайырланадыла. Абадан адамгъа аны чай къашыкъ бла бири да жетеди. Аны жарым стакан сууукъ суугъа къуядыла эмда ичип къоядыла.  Аны экинчи кере хазна ичмейдиле -  алайсыз да иги жарайды.

12 жыллары толмагъан сабийлеге абаданнга бёлюннген марданы онеки кесегинден бирин, сабийни жыл санына керелеп хайырланыргъа керекди.  Аны да бек амалсыз болгъан кезиуде этерге жарайды.

Бир жыллары толмагъанчыкълагъа уа ол дарманны ызындан бир татыулу ашны къапдырыргъа неда уртлатыргъа керекди.

Аш орунларында жаралары болгъанлагъа татыранны арталлыда хайырланыргъа жарамайды.