Жамауатха сатылгъан аш-азыкъны ёлчеми кёбейгенди«РИА-Рейтинг» агентствону эсеплерине кёре (ол а аланы официал статистиканы кёрюмдюлюрение тийишлиликде жарашдыргъанды 2021_ жылны январь-сентябрь айларында Россейни 83 регионунда жамауат аш-азыкъны сатыу-алыу обороту кётюрюлгенди. Алай эсе да, ёсюуню халы бир бирден иги да айырмалы болгъанды. Къабарты-Малкъар рейтингни тизмесини онунчу жерин алгъанды: быйылны тогъуз айыны ичинде республикада общепитни обороту 38,1 процентге кёбейгенди эмда 4,5 миллиардха жетгенди. Дагъыда жамауат аш-азыкъ бла байламлы хал Приморский крайда, Калининград эмда Брянск областьлада, Москвада, Санкт-Петербургда, Алтай, Шимал Осетия-Алания, Кърым Республикалада, Еврей автоном областьда тюрленнгенди. Коронавирус инфекцияны хатасы бегирек ресторан бизнесге тийгеннге саналгъанды. Жукъгъан ауруу жайылмазча тохташдырылгъан чекле жамауат аш-азыкъны оборотун къысхартырча этгендиле. 2020 жылны эсеплерине тийишлиликде Россейде,саулай алып айтханда, общепитни обороту 20,7 процентге азайгъанды. Ол а экономиканы битеу бёлюмлерини да кёрюмдюлерини арасында эм алашагъа тергелгенди. Алай эсе да, «РИА-Рейтингни» специалистлери быйылны эсеплерин осалгъа санамайдыла, нек дегенде экономикада болум аз-аздан жерине келтирилгенди. Бу бёлюмде салыннган чекле да кетериле тургъандыла. Орта эсеп бла къарагъанда, Россейде 2021 жылны юч кварталыны эсеплерине тийишлиликде жамауат аш-азыкъны обороту, озгъан жылны бу кезиую бла тенглешдиргенде, 27,4 процентге ёсгенди.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|