Борчлары болгъанланы мюлклерине арест салгъандыла

Кёп болмай налогла службаны келечилери бла бирге  сюд приставла кёп заманны ичинде   налогларын   тёлемей    тургъанланы  арасында рейд бардыргъандыла.   
- Аны чеклеринде ала, тёрт къауум болуп, сексен производство иш ачылгъан талай адамны  жокълагъандыла.   Ахча тёлеялмагъанланы  уа 430 минг сомдан  асламгъа мюлклерине   арест салыннганды. Сёз ючюн, аллай адамла жолгъа чыкъгъан кезиулеринде да машиналарындан къуру къалыргъа боллукъдула. Сыйырылгъан мюлклерин  къайтарыргъа ашыкъмагъанланы аберилери уа  сатылып ахчасы    къыралгъа ётдюрюледи,  деп билдиргендиле ФССП-ни КъМР-де управлениясыны пресс-службасындан. 
Ведомствода айтханларына кёре, налогла службаны келечилери бла байламлыкъда быллай рейдле терк-терк бардырыладыла, ол санда предприятиялада да.