Чабакъ этни качествосун тинтип, эсгертиуле этгендиле

Роспотребнадзорну Къабарты-Малкъарда Управлениясы быйыл ал тогъуз айны ичинде чабакъ продукцияны жарашдыргъан, андан аш этген эмда сатыу-алыу бардыргъан 401 предприятияда, учрежденияда, объектледе тинтиуле бардыргъанды. Аладан бешисинде тюрлю-тюрлю бузукълукъла табылгъандыла, деп билдиргендиле ведомствону пресс-службасындан.

Ол кемчиликлени асламысы алада санитария жаны бла жорукълагъа хазна эс бурулмагъаны, продукция тапсыз сакъланнганы, алыучулагъа товарланы юсюнден толу информация берилмегени бла байламлыдыла. Контроль-надзорлукъ ишни кезиуюнде инспекторла 130 проба алгъандыла. Ол санда санитария-химия, бактерия, радиология эмда паразитле жаны бла кёрюмдюлеге. Лабораторияда аланы барын да тинтгенден сора, административ бузукълукъ этгенлеге беш эсгертиу жазып бергендиле, кеслерине да 28 минг сом тазирле салыннгандыла. Управленияда быллай тинтиулени мындан арысында да бардырып турургъа умутлу болгъанларын билдиргендиле.

Омарланы Мурат хазырлагъанды.
Поделиться: