Жангы фатарла – жууукъ замандаМайскийде тозурагъан жашау журтлада кечиннген юйюрлеге деп эки кёп фатарлы юйню къурулушу баргъанын алгъын да билдирген эдик. Айтханыбызча, бу ишни республиканы Правительствосу, жер-жерли властьла да энчи контрольда тутадыла. Алай бла бу кюнлеге къурулушчула 27 фатарлы юйню экинчи этажын битдиргендиле, ючюнчюню къабыргъаларын да къалап бошагъандыла. Юйню биринчи этажында электрокюч сетьни жарашдыргъандыла, пластик терезелени орнатхандыла эмда къабыргъаларын сюртгендиле. Экинчи юй а онбеш фатарлы боллукъду. Подряд организация аны биринчи этажын тамам этгенди, экинчисини къабыргъаларын да къалап бошай турады. Къурулушну «КБР – ипотека» ООО бардырады. Юйлени хар биринде да башха-башха бригадала ишлейдиле. Май районну жер-жерли администрациясындан билдиргенлерине кёре, быйыл муниципалитетде жангы фатарлагъа 88 юйюр кёчерикди. Юйлени къурулушу «Жашау этерге жарамагъан тозурагъан жашау журтланы санын азайтыу» федерал проектни чеклеринде бардырылады. Анга КъМР-ни Къурулуш эм ЖКХ министерствосу да себеплик этеди.
Поделиться:
Читать также:
25.04.2024 - 17:45 →
«Тизгинсизликди аланы жайылыуларыны баш сылтауу»
25.04.2024 - 12:00 →
Байыкъланыр мурат бла
25.04.2024 - 09:01 →
Огъурлу сёз нёгеригизден айрылмагъыз
25.04.2024 - 09:00 →
Сейир адамла бла тюбешиулени эсгере
24.04.2024 - 16:25 →
Сейир адамла бла тюбешиулени эсгере
|