Спортну усталары болгъанланы алгъышлагъандыла

Республиканы Спорт министертвосунда жетишимли болгъан гёжефлеге къууанчлы халда «спортну устасы» деген атла берилгендиле, деп билдиредиле ведомствону пресс-службасындан.

Министр Ислам Хасанов удостоверенияланы къууанчлы халда Азамат Сомгуровха (къол тюйюш), Амин Кушховха (бокс), Тамерлан Кульчиевге (сумо), Анзор Тхатловха (всестилевой карате) бергенди. Ислам Маратович, аланы алгъышлай, бу жетишим аланы спорт жашауларында биринчи атлам болурун тежегенди. «Сора, бек жууукъ заманда сизге спортну халкъла аралы усталары деген атланы беририбизге ышанабыз», - дегенди ол.

Бийик категория 30 тренерге берилгенди, экеулен да биринчи категорияны алгъандыла. «Битеуроссей категориялы судьяла» деген атлагъа эки судьябыз тийишли болгъандыла, биринчи категорияны да беш адамалгъандыла.

Россейни жыйымдыкъ командаларына спортчуланы тынгылы хазырларча республикада спортну 14 тюрлюсю айырылгъандыла: бокс, тау лыжалада учуу, дзюдо, женгил атлетика, карате, стол теннис, шёндюгюлю пятиборье, тутушуу, ауур атлетика, футбол, къол эм универсал тюйюш, тхэквондо бла сангырауланы араларында тхэквондо.

Жылны 10 айыны эсеплерин келтиргенде, бир спортчубуз спортну халкъла аралы устасы болгъанды, 25-лен спортну усталарыны нормативин толтургъандыла, 397-лен спортну устасына кандидатладыла, 114-сю да биринчи разрядларын алгъандыла.