Экзаменле берирге, вузгъа кирирге да онг ачадылаКъабарты-Малкъар къырал университетни физика-математика факультетинде информатика эмда програмирование жаны бла республикалы «Олимпиада –эстафета» бардырылгъанды. Аны башламчылары техника илмуланы доктору, Информация къоркъуусузлукъну кафедрасыны таматасы Татьяна Хаширова, преподавательле Марьяна Георгиева, Фардиана Кетова, Залина Шогенова, Галина бла Елена Акбашевала болгъандыла. Жюриге да ала киргендиле. Ол кюн вузгъа республиканы кёп районларындан, Нальчик шахарны школларындан, «Кюн шахар» сабий академиядан да эллиге жууукъ жаш бла къыз келгенди - барысы да 11-чи классланы окъуучулары. Ала, командалагъа юлешинип, бир бирлерине масхара этиу халда танышхандыла. Андан сора компьютер технологияланы юсюнден толу хапар айтхандыла, соруулагъа жууапла да бергендиле. Школчула бла бирге оюннга устазлары да къошулгъандыла. Татьяна Хаширова чертип айтханыча, бу олимпиада ёсюп келген тёлю бусагъатдагъы жашаугъа кесин жарашдырыр ючюн къуралады. Бюгюнлюкде информация технологияладан ангылауу болмагъаннга ишге кирирге окъуна къыйынды. «Биз,-дегенди ол,-школчуланы ЕГЭ-ге да хазырлайбыз. Олимпиадада «Занимательная информатика» деген бёлюм да барды. Анда жашла бла къызла кроссвордлада, ребуслада соруулагъа жууапла берирге керекдиле. Эсеплени чыгъаргъанда, аны да эсге аллыкъбыз»,-дегенди. Билдиргенлерича, олимпиадада хорлагъанлагъа бешишер балл берилликди. Ала уа жаш адамла КъМКъУ-ну информатика факультетине киргенде эсге алынырыкъдыла.
Поделиться:
Читать также:
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
|