Экология эм география диктантлагъа хар сюйген къатышаллыкъды14-21 ноябрьде битеуроссей экология диктант бардырылады. Ол Кир-кипчикни жангыдан жарашдырыуну битеудуния кюнюне аталып къуралады. Диктантны мураты жамауат арасында экология культураны айнытыуду, бу жаны бла адамланы билимлерин ёсдюрюудю эм аны табийгъат этилген заранны азайтыуду. Ол экодиктант.рус интернет-порталны мурдорунда офлайн эм онлайн халда бардырылады. Сайтда юйретиу видеороликле да бардыла. Экодиктантха хар сюйген инсан жыл санына эм къайда жашагъанына къарамай къатышаллыкъды. Алгъан балларына кёре, адамлагъа сертификатла берилликдиле. Географиядан билимлерин сынаргъа излегенле уа 24 ноябрьге дери онлайн халда битеуроссей география диктантны жазаллыкъдыла. Ол 40 соруудан къуралады, алагъа жууапланы 45 минутну ичинде берирге боллукъду. Къаллай бир соруугъа тюз жууап бергенигиз, къаллай бирин да билалмагъаныгъыз тестлени бошагъанлай кёргюзтюллюкдю. Тюз жууапла уа 25 ноябрьде басмаланырыкъдыла. Диктантны онлайн халда жазгъанлагъа сертификатла берилмейдиле. Аны Орус география обществону сайтыны юсю бла неда dic.rgo.ru ссылка бла кирип ётерге боллукъду.
Поделиться:
Читать также:
03.05.2024 - 11:00 →
Черек жагъала таза болурча
03.05.2024 - 10:50 →
Халкъ бла байламлы жумушха уллу кёллю болмайыкъ
02.05.2024 - 09:03 →
Газет тарыхны сакъларгъа себеплик этеди
26.04.2024 - 09:55 →
Газет -заманны кюзгюсюдю
26.04.2024 - 09:05 →
Бахчаларында - кезиулю ишле
|