Умуту айтхылыкъ гимнастка болургъады

16 ноября, 2021 - 14:02

Малкъондуланы Русалина жаш умутландыргъан спортчуларыбыздан бириди, кеси да спортну эм ариу, аны бла бирге уа къыйын тюрлюсюн сайлагъанды – гимнастиканы. Къызчыкъгъа сегиз жыл болады, гимнастикагъа юч бла жарым жылны жюрюйдю, жарауларына, бирин да къалдырмагъанлайын, сюйюп барады.

Русалина талай эришиуге къатышханды, алада жетишимли да болгъанды. Алгъаракълада ол «Капелька солнца» деген турнирде кюмюш майдалны къытханды. Хорламны кюнюне жораланып, Терек шахарда къуралгъан ачыкъ эришиуде биринчи жерге чыкъгъанды. Мында спортчуланы араларында къаршчылыкъ уллу болгъанды, анга Ставрополь крайдан, Моздокдан, Владикавказдан, республиканы жер-жерлеринден командала къатышхан эдиле.

Гимнастикадан тышында Русалина фортепианода согъаргъа юйренеди, хорда жырлайды. Ол Нальчикни тёртюнчю номерли школунда биринчи классда окъуйду, дневнигинде жангыз да «5» белгиле бардыла. Умуту айтхылыкъ гимнастка болургъады.

Кульчаланы Зульфия.
  • 19 просмотров
Поделиться: