Нальчикде терекле кёбейедиле

    Республиканы ара шахарында тапландырыу эмда жашиллендириу жумушлагъа уллу эс бурулады, дейдиле мэрияда. Аны чеклеринде Нальчикни орамларында эмда жамауат тийрелеринде терекчикле орнатадыла. Бу ишни «Горзеленхоз» предприятие тындырады. Тюрлю-тюрлю экология акцияла бардырылгъанларында анга инсанла эмда алчыла да къатышыучудула.

       Алай бла быйыл 1431 терек орнатылгъанды. Дагъыда компенсация жашиллендириу программаны чеклеринде шахар округну талай тийрелеринде дагъыда 620 терекчик къошуллукъду. Ала асламысында Москва бульварда, Халкъланы шуёхлугъуну эмда Аскер даражаны скверлеринде, 2-чи Тамань дивизия атлы орамда ёсерикдиле.

Омарланы Мурат.
Поделиться: