Кёп юйюрле ипотеканы амалы бла жашау болумларын игилендиредиле

Къабарты-Малкъар Республикада 339 юйюр Россельхозбанкдан алгъан ипотека ёнкюч бла  жашау болумларын игилендиргендиле, деп билдиреди финанс учрежденияны пресс-службасы. 

Россельхозбанк республикада ипотека ёнкючлени бериу жаны бла алчыланы санындады. Быйылгъы жылны аллындан тебиреп, банкны амаллары бла 339 юйюр хайырланнганды.

Сагъынылгъан банкны тюрлю-тюрлю ёнкюч амалларын хайырлана, адамла фатарла, юйле неда коттеджле сатып аладыла эм башха банкдан алгъан ипотека кредитлерин да жабадыла.

«Бизни элледе тургъанлагъа эм башхалагъа да кёп сейир предложенияларыбыз барды. Сёз ючюн, Россельхозбанк шёндю «Насыплы кезиу» деген акцияны бардырады, аны чеклеринде ипотека кредитлени процентлери 7,9 % тюшеди. Акция 31 декабрьге дери бардырыллыкъды»,- деп чертгенди Россельхозбанкны Къабарты-Малкъар Республикада филиалыны таматасы Алим Сокуров.

Ёнкюч алама дегенле Россельхозбанкны энчи сервисинде кеслерине келишген амалны сайларгъа боллукъдула. «Жашау журтла» деген бёлюмде тюрлю-тюрлю фатарла,  юйле сайларгъа эм кредитни тёлеуню тап амалларын айырыргъа онг барды. Андан сора ала ол сервисни хайыры бла финанс  учреждениягъа къагъытларын жибередиле.

Бизни корр.