Магъаналы документли китапКъабарты-Малкъар Республиканы уголовный-толтуруучу системасыны ветеранлары – уголовный-толтуруучу ич службаны отставкада полковниги Залимгери Шогемов эм ич службаны отставкадагъы полковниги Анзор Сасиков «Бир ведомствону тарыхы» деген жангы китапны (Къабарты-Малкъар Республикада уголовный-толтуруучу системаны къуралыууну эм айныууну юсюнден) басмагъа хазырлагъандыла. Аны юсюнден бизге КъМР-де Россей УФСИН-ни пресс-службасы билдиреди. Жарсыугъа, Залимгери Долетгериевич жангы чыгъарма дуния жарыгъын кёргюнчю ауушханды, 2021 жылда 11 июньда. Жашаууну ахыр жылларында ол адабият жазыула бла кюрешгенди, онсегиз адабият эм тарых-документли китапны атору эм соавтору болгъанды. Кезиулю документли чыгъарма, «Бир ведомствону тарыхы», архив материалланы мурдорунда быйылны ноябринде басмаланнганды. Аны хазырлагъанла Къабарты-Малкъарны тарыхында биринчи кере республикада уголовный-толтуруучу системасыны тохташыууну эм айныууну юсюнден айтадыла. Ол ведомствону тарыхыны, пенитенциар системаны къуралыууна юлюш къошхан Терсликлери ючюн азап чекдириу Федерал службаны Къабарты-Малкъар Республикада Управлениясыны келечилерини къадарланы эм профессионал ишлерини юсюнден хапарлагъан жыйылгъан эм системалы халгъа келтирилген материалды. - Биз республикада бу системаны айныууну эм ишини юсюнден тарыхчылача, философла, политиклеча угъай, практиклеча айтыргъа кёлленнгенбиз, Ара къырал архивни КъМР-де Архив службасыны управлениясыны, Жангы тарыхны документация арасыны КъМР-де Архив службасыны управлениясы, КъМР-де МВД-ны Информация арасыны архив документлерине таянып, - дейди Анзор Сасиков.
Поделиться:
Читать также:
18.04.2024 - 12:23 →
«Не заманлада да чагъыргъа жамауат къажау сюелгенди»
18.04.2024 - 10:30 →
Болушлукъну сайлар онг барды
18.04.2024 - 09:20 →
Минги тауда – космос лаборатория
18.04.2024 - 09:00 →
Кадетле-чекчиледе къонакъда
18.04.2024 - 08:30 →
Заранлы къурт-къумурсхаланы къырыуда сакълыкъ изленеди
|