Ишчи байламлыкъла къураладылаКъазахстанда Алматы шахарда бу кюнледе «FoodExpo Qazaqstan 2021» халкъла аралы кёрмюч бардырылгъанды. Бизни республикадан анга «Велес-Агро», «Кристалл-Терек» эм «Фрукт-сити» предприятияла къатышхандыла, деп билдиргендиле КъМР-ни Экономиканы айнытыу министерствосундан. Кёрмючню чеклеринде аш-азыкъ, суула, оборудование, технологияла чыгъарыучу эмда ала бла жалчытыучу компанияла бла ишчи байламлыкъла къураргъа онг болгъанды. Къабарты-Малкъардан баргъан предприятиялагъа ары къатышыргъа «КъМР-ни предпринимательствогъа себеплик этиу фонду» эм Экономиканы айнытыу министерство болушхандыла. Ол кеси да «Гитче эмда орта предпринимательство эм энчи предпринимательство башламчылыкъгъа себеплик этиу» деген федерал миллет проектни излемлерин толтурууну чеклеринде этилгенди. Аш-азыкъ промышленность бёлюмню алып айтханда, FoodExpo Qazaqstan саулай Орта Азияда эм уллу кёрмючге саналады. Бу жол да анга 26 къыралдан тёрт жюзден артыкъ компания къатышханды. Россейден а 25 регионну келечилери баргъандыла ары. Ол а 150 чакълы предприятие болады.
Поделиться:
Читать также:
26.03.2024 - 11:17 →
Бир сууну эки жагъасында
25.03.2024 - 08:53 →
Сёзню кючюне бла магъанасына тюшюне
24.03.2024 - 09:03 →
Аны жюрегин тепсеу искусство бийлегенди
24.03.2024 - 08:01 →
ЖЫРЫ БЛА КЪУУАНЧ ДА, ИЙНАНЫУ ДА БЕРГЕНДИ
20.03.2024 - 15:19 →
Къол ызы къайда да ангылашыннган
|