Къаршчыларындан кючлюрек болгъандыГрозныйде онсегиз жылгъа эм жыйырма жылгъа дери спортчуланы арасында ауур атлетикадан Россейни биринчилиги бардырылгъанды. Биринчи жыл сан къауумда 67 килограмм ауурлукъгъа дери бёлюмде 26 жаш гёжеф эришгендиле. Эришиулени алчыларындан бири Элбрус районну Олимпиялы резервли спорт школасыны келечиси Гюлюйланы Темерлан болгъанды, ол Къабарты-Малкъарны эм Москваны сыйларын къоруулагъанды. Сермеп алыуда – 120, тюртюп алыуда 146 килограмм эсепни кёргюзтюп, къаршчыларындан кючлюрек болгъанын шарт баямлагъанды. Тамерлан битеу да бирге 266 килограмм эсеп бла биринчиликде хорлагъанланы санына къошулгъанды.
Быйыл Гюлюйланы Тамерлан тёрт уллу эришиуледе арагъа чыкъгъанды. Онжети жылларына дери спортчуланы араларында Россейни бла Европаны биринчиликлеринде доммакъ майдал къоллу болгъанды, дуния биринчиликде да бийик жерге чыкъгъанды, бешинчиге. Шёндю уа Грозныйде хорлам. Энди Тамерлан экинчи спорт жылда къыралны юниор жыйымдыкъ командасыны санында кесин сынаргъа хазырланырыкъды. Элбрусдан гёжеф башха ауурлукъ къауумгъа ётерге дейди – 73 килограммгъа дери эм ол жыйырма жылларына дери спортчуланы санында эриширикди.
Поделиться:
Читать также:
17.04.2024 - 14:44 →
Чаришле бийик даражада ётерча
16.04.2024 - 12:00 →
Сыйлы айгъа атап
16.04.2024 - 09:00 →
«Акбарсны» кубогундан – хорламла бла
16.04.2024 - 08:30 →
Уллу эришиуню аллында – ахшы сынам
15.04.2024 - 10:18 →
Район къауумланы араларында - эришиуле
| ||
Экинчи бла ючюнчю призёрла онтёрт эм онбеш килограммлагъа азыракъ кётюргендиле. Бизни гёжефибиз эки упражненияда да битеу да бирге айтханда кесини жыл сан къауумунда Россейни рекордун тохташдыргъанды эм энчи ахча саугъа бла белгиленнгенди.