Филиал жыйгъан сынамын къыйматлы хайырланады

Россельхозбанкны Къабарты-Малкъар регион бёлюмюнде энди 25, 100 эм 200 сомлукъ «Георгий Победоносец» деген алтын ахчаланы сатып алыргъа боллукъду. Аны юсюнден финанс организацияны пресс-службасы билдиргенди.

Быллай ахчаланы    Россейни Банкы 25 июньда 2021 жылда  эсепге алыннган жаланда жюз минг чыгъаргъанды. Ала 999 пробасы болгъан алтындан этилгендиле.

Банкда дагъыда алгъын аслам сурамы болуп тургъан 50 сомлукъ «Георгий Победоносец» барды. Ахчаланы алыргъа сюйгенле Россельхозбанкны сайтында заказ этерге боллукъдула. Жыйырма монетадан кёпню алгъанлагъа энчи багъа да тохташдырылыргъа боллукъду. Финанс учрежденияны къайсы бёлюмюне да сагъынылгъан монеталаны тапдырыргъа боллукъду.  Аны юсюнден быллай бир номиналы болгъан ахча излейме деп сайтны маркетплейсине жазаргъа керекди.

Озгъан жылны сентябрь айында   Россельхозбанк  сайтында маркетплейс  деген амалны ачханды. Анда 500  эсде къалырча эм инвестициялы ахчаланы табаргъа боллукъду.   Ол порталгъа http://coins.rshb.ru  къарайма  деп кирген адам  кесине дагъыда кёп сейирлик затланы сайларгъа  эм Интернетни амалы бла заказ  этерге да боллукъду.

«Жылны алындан бери  финанс организацияны республикада филиалы 246 алтын ахча сатханды, ол санда инвестициягъа саналгъан 124 «Георгий Победоносец» деген  монетаны битеу да 4,3 миллион сом багъасына. Аны хайырындан банк алтын ахчаланы сатыу бла мардасын 132 процентге толтургъанды. Шёндю филиал ол жаны бла иги сынам жыйгъанды эм алгъа таукел барады», - деп четгенди Россельхозбанкны Къабарты-Малкъар  Республикада бёлюмюню таматасы Алим Сокуров.

Бизни корр.

Поделиться: