Урланнган ток - миллионла бла къоранчла

«Россети Северный Кавказ» электрокюч бла жалчытхан компанияны бёлюмю «Каббалкэнерго» жыл башланнганлы токну эсеплеген приборсуз эм эркинликсиз хайырланнган 30,7 миллион сом багъасына 204 шартны ачыкълагъанды.
 
Саулай алып айтханда, 10,3 млн кВт сагъат ток урланнганды. Хар шарт бла байламлы организацияны келечилери  энергогокюч эркинликсиз хайырланылгъанына акт жазгъандыла. Энди бузукъчулагъа закон бла тёлерге кереклеринден иги да кёп къоратырыкъдыла.  

Алай бла токну урлагъанла Административ бузукъланы кодексини 7.19-чу статьясына тийишлиликде (Сетьлеге эркинликсиз къошулгъанларына эм токну эсеплеген приборсуз хайырланнганларына) тазир тёлерикдиле. Аны ёлчеми энчи иелилеге - 10-15 минг эм организациялагъа уа 100-200 минг сомгъа жетеди. Андан сора да, бир-бир аманлыкъчыла РФ-ны Уголовный кодексини 165-чи статьясына кёре, эки жылгъа тутулургъа да боллукъдула.