Нальчик шахар округну суу бла жалчытыу соруулагъа къаралгъанды

Къабарты-Малкъар Республиканы Башчысы Казбек Коков Нальчик шахар округну жер-жерли администрациясыны таматасы Таймураз Ахохов эм «Водоканал» МУП-ну директору Анзор Жанказиев бла ишчи тюбешиу бардыргъанды. Аны чегинде Нальчик шахар округну суу бла жалчытыу соруула сюзюлгендиле, бу жаны бла жерлерин табып тургъан жарсыуланы, республиканы ара шахарыны суу бла жалчытыу системасыны игилендириуню юсюнден айтылгъанды.

Суу баргъан ызланы эскиргенлери эм авария халлылыкълары суу бла жалчытыуда чурумла болгъанларыны сылтауудула. Къауум бир-бирлери бла байламлы сорууланы тамамлау суу бла жалчытыуну жангыртылыууна себеплик этерикдиле, ол санда геологоразведочный ишле, суу бла жалчытыу эм суу кетиу ызланы инвентаризациясы, ток бла жалчытыу системаны мекямларын тапландырыу, шёндюгюлю оборудование бла жалчытыу, сууну хайырланнган ёлчемин эсеплеген цифралы технологияланы сингдириу, эл мюлкге керекли сууну арыкъ халлы жетдирилиуюн айнытыу, шёндюгюлю программа жалчытылыныуну къошуп абонентлени базасын жангыртыу. Бу амалла къоранчланы азайтыугъа эм сууну тийишлисича хайырланыугъа, аны изленнген ёлчемде тохтаусуз жетдирилип турулууна бурулупдула.

Тюбешиуню эсеплерине кёре республиканы Башчысы бир ненча буйрукъ бергенди, ол санда суу бла жалчытыуда эм суу кетиу бёлюмде тындырыллыкъ ишлени «жол картасын» къурау да. 

Поделиться: