Картингден – къууандыргъан кёрюмдюле бла

Республиканы Спорт министерствосу билдиргеннге кёре, бу кюнледе Усть-Лабинск шахарда картингден Россейни Кубогу ётгенди. Анга беш къауум къатышханды: «Мини» (8-11 жыл), «Кадет» (10-13 жыл), «Супермини» (10-13 жыл), «ОК-junior» (12-15 жыл) эм «Миллет-юниор» (12-15 жыл).

Дагъыда РФ-ни субъектлерини араларында командалы зачёт болгъанды. Анда Къабарты-Малкъарны жыйымдыкъ командасы экинчи жерни алгъанды.

«Кадет» къауумда биринчи оруннга Максим Московченко тийишли болгъанды. Экинчи жерге – Сылпагъарланы Адей чыкъгъанды. Ючюнчюге – Башийланы Къууанч тийишли кёрюлгенди. Тёртюнчю бла бешинчи орунланы уа Алина Дунайская бла Кантемир Хуштов юлешгендиле.

«Миллет-юниор» къауумда уа экинчи жерге Никита Филков тийишли болгъанды. Ючюнчюге уа – Гюлюйланы Керимге берилгенди.