Терекчикле орнатхандыла, тёгерек башны тазалагъандыла

Кёп болмай Къырал эм муниципал жумушланы тамамлагъан кёп функциялы араны (МФЦ) келечилери жыл сайын бардырылгъан «Жерни халкъла аралы кюню» деген акциягъа къатышхандыла.
Ол кюн учрежденияны Нальчикде 2-чи номерли бёлюмюню тийресинде аллеяда «Горзеленхозну» келечилери да  болушуп жыйырма жёге терекчик орнатылгъанды. Бу магъаналы ишге къол къыйын салгъанланы арасында КъМР-ни экономиканы айнытыу министри Рахайланы Борис, министерствону электрон жумушла эм системалы управленияны  департаментини таматасы Чочайланы Мариям, МФЦ-ны таматасы Аслан Афаунов да болгъандыла. 
Акциягъа Араны башха  бёлюмлери да тири къатышхандыла. Ала учрежденияларыны арбазларында  эмда  башха жерледе терекчикле орнатхандыла, отоуланы гюлле бла жасагъандыла, тёгерек-башны жашиллендиргендиле, тазалагъандыла, боягъандыла,  терек тюплеге бла бордюрлагъа тытыр сюртгендиле.
Эсге сала айтсакъ, Жерни кюню ООН къабыл этип 1971 жылдан бери 20 мартда эмда 22 апрельде белгиленеди.
 

 

Магометланы Сулейман
Поделиться: