Алты майдал бла къайтхандыла

Республиканы Спорт министерствосу билдиргенине кёре бу кюнледе Элиста шахарда  грек-рим тутушуудан Совет Союзну Жигити генерал-полковник О.И. Городовиковну хурметине жораланнган  Битеуроссей эришиуле ётгендиле.

Къабарты-Малкъардан анга алты спортчу къатышханды. Алтын майдалланы  Ислам Калмыков (67 кг.) бла Алим Текушев (87 кг.) алгъандыла. Ахмед Кайцуков (77 кг.) бла Беслан Курашев (60 кг.) эришиуледен "кюмюш" бла къайтхандыла. Доммакъ майдаллагъа уа Къудайланы Залим (97 кг.) бла Хатали Сабиев (72 кг.) тийишли болгъандыла.

Жашланы тренерле Эндрейланы Ж. А. Чилов, М. Макоев эм А. Урусмамбетов юйретгендиле.

Додуланы Мадина.
Поделиться: