Донну кубогундан – 19 майдал

Дондагъы Ростовда тхэквондодан «Донну кубогу» ючюн битеуроссей эришиу бардырылгъанды. Анга Россейден, Узбекистандан, Къазахстандан, Армениядан, Къыргъызстандан бла Азербайджандан 1200 спортчу къатышханды, ол санда Къабарты-Малкъардан да 42 адам.
Бизни спортчуларыбыз эришиуню биринчи кюнюнде 4 алтын бла 4 доммакъ майдал къытхандыла. Кеслерини жыл санларына кёре эм ауурлукъ къауумларында Элина Тхамокова, Ахметланы Дамир бла Борис, Ислам Шакуев, Алим Калов, Данил Яхненко, Владимир Монастырский хорлагъандыла. Байтуугъанланы Тимур, Ислам Лиев, Ахметланы  Нурмухамед,  Тимур Тхамоков ючюнчюле болгъандыла. Спортчуларыбыз, битеу да 19 майдал къытып, битеукоманда зачётда экинчиле болгъандыла.