Эсеп жазыу ишни болжалы тохташдырылгъанды

Барыбыз да билгенибизча, 2014 жылдан бери школ программагъа эсеп кёлденжазма кийирилгенди. Аны кесин да онбиринчи классланы тауусурукъла жазадыла. Алгъадан тохташдырылгъан тёреге тийишлиликде аны саулай да къыралны  мектеплерини выпускниклери да декабрь айны биринчи ыйыгъында бериучюдюле. Бу сынауну кесине да «зачёт-незачёт» деген халда багъа салынады. Экзаменде алгъан кёрюмдюсю уа окъуучугъа ЕГЭ-леге барыргъа эркинлик береди.

Алай эсе да, эсигизге салайыкъ, былтыр бу сынауну школла эпидемиялогия халны хатасындан белгиленнген заманында (декабрьде) бардыралмай къалгъандыла. Аны болжалы артхаракъгъа бир ненча кере созулгъанды. Эм алгъа ол-бешинчи, артда уа онбешинчи апрельге тохташдырылгъанды. Аллай оноугъа уа Рособрнадзор бла РФ-ни Жарыкъландырыу министерствосу биригип келгендиле. Анга тийишлиликде экзаменни бардырыуну къошакъ даталары уа бешинчи эмда онтогъузунчу майда болгъандыла. Саулукълары бла байламлы энчиликлери барлагъа уа огъарыда  сагъынылгъан сочиненияны орунуна эсеп изложенияны сайларгъа эркинлик да берилгенди.

Быйыл да ЕГЭ-ле къалай къураллыкъларыны эмда бардырыллыкъларыны юсюнден Рособрнадзор тюрлю-тюрлю оюмланы билдире турады. Алай эсе да, алгъаракъда онбиринчи классланы тауусурукъла кёлденжазманы, хар заманда да эндиге дери да бола келгенича, декабрь айда жазарыкъдыла. Сынауну битеуда мектепледе биринчи декабрьде оздурургъа белгиленнгенди. Аны бла байламлы  къошакъ датала уа экинчи февраль эмда тёртюнчю майдыла. Бу жол да саулукълары бла къыйналгъан жашлагъа бла къызлагъа эсеп сочиненияны орунуна изложение сайлар онг барды. Алгъаракъда РФ-ни Жарыкъландырыу министри Сергей Кравцов  жазыу ишни бир ненча темасын белгили этгенди. Алай бла окъуучула «Человек путешествующий: дорога в жизни человека», «Цивилизация и технологии-спасение, вызов или трагедия?», «Преступление и наказание-вечная тема», «Книга (музыка, спектакль, фильм-про меня», «Кому на Руси жить хорощо? –вопрос гражданина» деген эмда бирси темалагъа кёре ишлени жазарыкъдыла. Сынауну кезиуюнде алагъа, хар замандача телефонла, информацияны сакъларгъа неда бирсилеге жиберирге боллукъ бир тюрлю башха аберини биргелерине кийирирге эркинлик бериллик тюйюлдю.

Озгъан жылда, эсгерте, кетейик, эсеп кёлденжазма (изложение) эрттенликде онда башланнганды эмда кеси да юч сагъатны бла элли беш минутну ичинде бардырылгъанды. Саулукъларында энчиликлери болгъанлагъа уа сынауну заманын да танг кесекни-бир сагъат бла  жарымны-къошхандыла. Ол шартны уа жамауат ахшы ышаннга санагъанды. Алгъадан да тохташдырылгъаннга тийишлиликде сочиненияны ёлчеми-350, изложенияны уа 200 сёзден аз болмазгъа керекди.

Сагъынылгъан сынауланы школланы бирси жыллада бошагъанла да берирча эркинлик барды. Рособрнадзорну эмда Педагог ёлчемлени федерал институтуну (ФИПИ) келечилери белгиленнген темала бла байламлы кеслерини оюмларын баямлагъанлары бла бирге жазыу ишле тохташдырылгъан кюнюнде къуралыулу озарларына къыралда коронавирус бла хал да иги жанына тюрленирине ышаннганларын билдиредиле. Белгилерге тийишлиди, сагъынылгъан темаланы РФ-ни Жарыкъландырыу министерствосуну Эсеп кёлденжазманы бардырыуну вопрослары жаны бла совети къабыл кёргенди.

Эсеп жазыу ишни болжалы тохташдырылгъанды

Барыбыз да билгенибизча, 2014 жылдан бери школ программагъа эсеп кёлденжазма кийирилгенди. Аны кесин да онбиринчи классланы тауусурукъла жазадыла. Алгъадан тохташдырылгъан тёреге тийишлиликде аны саулай да къыралны  мектеплерини выпускниклери да декабрь айны биринчи ыйыгъында бериучюдюле. Бу сынауну кесине да «зачёт-незачёт» деген халда багъа салынады. Экзаменде алгъан кёрюмдюсю уа окъуучугъа ЕГЭ-леге барыргъа эркинлик береди.

Алай эсе да, эсигизге салайыкъ, былтыр бу сынауну школла эпидемиялогия халны хатасындан белгиленнген заманында (декабрьде) бардыралмай къалгъандыла. Аны болжалы артхаракъгъа бир ненча кере созулгъанды. Эм алгъа ол-бешинчи, артда уа онбешинчи апрельге тохташдырылгъанды. Аллай оноугъа уа Рособрнадзор бла РФ-ни Жарыкъландырыу министерствосу биригип келгендиле. Анга тийишлиликде экзаменни бардырыуну къошакъ даталары уа бешинчи эмда онтогъузунчу майда болгъандыла. Саулукълары бла байламлы энчиликлери барлагъа уа огъарыда  сагъынылгъан сочиненияны орунуна эсеп изложенияны сайларгъа эркинлик да берилгенди.

Быйыл да ЕГЭ-ле къалай къураллыкъларыны эмда бардырыллыкъларыны юсюнден Рособрнадзор тюрлю-тюрлю оюмланы билдире турады. Алай эсе да, алгъаракъда онбиринчи классланы тауусурукъла кёлденжазманы, хар заманда да эндиге дери да бола келгенича, декабрь айда жазарыкъдыла. Сынауну битеуда мектепледе биринчи декабрьде оздурургъа белгиленнгенди. Аны бла байламлы  къошакъ датала уа экинчи февраль эмда тёртюнчю майдыла. Бу жол да саулукълары бла къыйналгъан жашлагъа бла къызлагъа эсеп сочиненияны орунуна изложение сайлар онг барды. Алгъаракъда РФ-ни Жарыкъландырыу министри Сергей Кравцов  жазыу ишни бир ненча темасын белгили этгенди. Алай бла окъуучула «Человек путешествующий: дорога в жизни человека», «Цивилизация и технологии-спасение, вызов или трагедия?», «Преступление и наказание-вечная тема», «Книга (музыка, спектакль, фильм-про меня», «Кому на Руси жить хорощо? –вопрос гражданина» деген эмда бирси темалагъа кёре ишлени жазарыкъдыла. Сынауну кезиуюнде алагъа, хар замандача телефонла, информацияны сакъларгъа неда бирсилеге жиберирге боллукъ бир тюрлю башха аберини биргелерине кийирирге эркинлик бериллик тюйюлдю.

Озгъан жылда, эсгерте, кетейик, эсеп кёлденжазма (изложение) эрттенликде онда башланнганды эмда кеси да юч сагъатны бла элли беш минутну ичинде бардырылгъанды. Саулукъларында энчиликлери болгъанлагъа уа сынауну заманын да танг кесекни-бир сагъат бла  жарымны-къошхандыла. Ол шартны уа жамауат ахшы ышаннга санагъанды. Алгъадан да тохташдырылгъаннга тийишлиликде сочиненияны ёлчеми-350, изложенияны уа 200 сёзден аз болмазгъа керекди.

Сагъынылгъан сынауланы школланы бирси жыллада бошагъанла да берирча эркинлик барды. Рособрнадзорну эмда Педагог ёлчемлени федерал институтуну (ФИПИ) келечилери белгиленнген темала бла байламлы кеслерини оюмларын баямлагъанлары бла бирге жазыу ишле тохташдырылгъан кюнюнде къуралыулу озарларына къыралда коронавирус бла хал да иги жанына тюрленирине ышаннганларын билдиредиле. Белгилерге тийишлиди, сагъынылгъан темаланы РФ-ни Жарыкъландырыу министерствосуну Эсеп кёлденжазманы бардырыуну вопрослары жаны бла совети къабыл кёргенди.

Мокъаланы Зухура.
Поделиться: