Сакълыкъгъа чакъыргъандыла

Дунияны бла Россейни чемпионлары бла тренер Жолда жюрюуню къоркъуусузлугъуну ыйыгъына къатышхандыла. Спортчула сабийлени жолдан къалай ётдюрюрге кереклисин кёргюзтгендиле.

Бел баудан тутуп тутушуудан бийик категориялы тренер Чочайланы Элдар, спортну бу тюрлюсюнден дунияны чемпиону Мурзабек Мисостов, дунияны бла Россейни боксдан чемпиону - АСА лиганы гёжефи Туменланы Бийберт сабийлеге жолда сакъ болургъа, аланы жолда жюрюуню жорукъларына юйретирге чакъыргъандыла.

 #ВозьмиРебенкаЗаРуку челленджге къатышып, спортчула сабийни жолну тийресинде кесин къояргъа жарамагъанын кёргюзтгендиле, эркин этилген жерден жаяу ётгенде аны къолундан тутаргъа кереклисин ангылатхандыла.

Чемпионла жорукъланы сакъларгъа, спорт бла кюреширге, саулукълу жашау бардырыргъа чакъыргъандыла. Таматалагъа уа сабийлеге сакъ болургъа, аланы жолда жюрюуню жорукъларын ангылатыргъа чакъыргъандыла.