Тозурагъан юйледен кёчюрюу программа къалай толтурулады?

КъМР-ни прокуратурасында болгъан коллегияда инсанланы тилеклерин тинтиу эм приёмгъа алыу соруулагъа къаралгъанды, деп билдиргедиле бизге надзор ведомстводан.

Жыйылыуну республиканы прокурору Николай Хабаров бардыргъанды. Анда сёз инсанланы оюлургъа къоркъуулу юйледен кёчюрюу жаны бла законла къалай толутурлгъанларыны юсюнден баргъанды.  Андан сора да надзор органны бу сорууланы тамамлауда жетишимлери бла кемчиликлери да сюзюлгендиле.

 Николай Хабаров  оюлургъа къоркъуулу мекямладан кёчюрюу жаны бла законла толтурулгъанда, инсанланы жашау журт эркинликлери сакъланыргъа кереклисине эс бургъанды. Бюджет эмда Жашау журт-коммунал мюлкню жангыртыуну фондуну ахчасы къалай къоратылгъаны тинтилирге кереклиси белгиленнгенди.

 Прокурор надзор толтурулуп, право низамны сакълаучу органла бла бирге закон толтурулгъанда  бюджет ахчаны аяулу къоратыуну, аны белгиленмеген жумушлагъа юлешиуден  сакълауну жалчытыргъа, ол жаны бла бузукълукъланы ачыкълау ишни тирилтирге кереклисини юсюнден айтханды республикан прокурору.  Коллегия тийишли эсгертиулени къабыл кёрюу бла бошалгъанды.