Казбек Коков Шимал Осетия-Аланияны Башчысын байрамла бла алгъышлагъанды КъМР-ни Башчысы Казбек Коков Шимал Осетия-Аланияны Башчысын Сергей Ивановоич Меняйлону Республиканы Кюню бла эм Владикавказны Кюню бла алгъышлагъанды. Аны юсюнден ол Инстаграмны кесини энчи бетинде жазгъанды. «Шимал Осетия-Алания бир ызгъа эки байрамны белгилейди: Республиканы Кюнюн эм Владикавказ шахарны Кюнюн. Регионну Башчысын Сергей Иванович Меняйлону эм битеу республикада жашагъанланы магъаналы байрамла бла къызыу алгъышлайма. Халкъны иш кёллюлюгюню, айнытыргъа, туугъан жерлерин бютюн да иги этерге сюйгенлерини хайырындан, Шимал Осетия-Алания шёндю алгъа таукел барады, социал-экономика айнытыуну битеу бёлюмлеринде белгилерча кёрюмдюле болдурады. Таза жюрекден багъалы хоншуларыбызгъа – битеу къарындаш республикада жашагъанлагъа саулукъ, огъурлулукъ эм монглукъ тежейме», - деп айтылады республиканы оноучусуну алгъышлау сёзюнде. Бизни корр.
Поделиться:
Читать также:
16.04.2024 - 12:39 →
Биринчи поликлиника жылны экинчи жарымында хайырланыргъа берилликди
12.04.2024 - 08:57 →
Жаш адамлагъа – не жаны бла да онгла
11.04.2024 - 14:13 →
Нальчикде террорчулукъгъа къажау болум кетерилгенди
11.04.2024 - 09:26 →
Сотталаны Къурман инсанланы сорууларын сакълайды
10.04.2024 - 10:00 →
Къабарты-Малкъар Республиканы Башчысы К.В. Коковну Ораза байрам бла алгъышлауу
| ||
