Иш усталыкълагъа юйретиу энчи магъаналы жумушча

Быйыл да, хар замандача, Нальчикде гумапнитар-техника колледжни мурдорунда сакъатланы эмда саулукъларында чекленнген онглары болгъанланы арасында профессионал усталыкъны «Абилимпикс-2021» бешинчи юбилей регион даражалы чемпионаты бардырыллыкъды. Ол 28 сентябрьден башлап 30 сентябрьге дери ишлерикди. Бу жол чемпионатха инвалидликлери болгъан  14-65-жыллыкъ окъуучуланы, студентлени, специалистлени 85-си къатышадыла. Огъарыда, сагъынылгъан колледжде, он тюрлю ызда, эришиуледен сора да, мастер-классла, «тёгерек столла» бардырыллыкъдыла.

Кертиди, «Абилимпиксге» жаланда эришиугеча угъай, кеслерине энчи  къайгъырыулукъну излегенлеге къол усталыкъларын кёргюзтюрге жол ачхан  жумушхача  къараргъа тийишлиди. Аны алайлыгъын а окъуу юйде къуралгъан кёрмючлеге къарасанг,  бютюн ангылайса.

  Алайды да, чемпионатха къатышханла оналты ызда: робототехника, социал иш, сетевой эмда системалы администрирование, экономика эмда бухучёт, адаптивный физкультура, медицина эмда социал болушлукъ этиу, дюгер хычынле этиу, тигиу, бичиу, автомобильлеге ремонт этиу эмда жалчытыу, къургъакъ къурулуш эмда штукатур ишле, информациялы къоркъуусузлукъ, вед-жарашдырыу, веб-дизайн, башланнган класслада устаз эмда школгъа дери юйретиу жаны бла эриширикдиле. Аланы ишлерине багъаны жетмиш беш бийик усталыкълары болгъан экспертле, ол санда иш бериучюле, чемпионатны партнёрлары да боллукъдула.

Чемпионат башда айтханыбызча, Къабарты-Малкъар гуманитар-техника колледжни», «Призвание» медицина колледжни, Нальчикде женгил промышленность колледжни, Къабарты-Малкъар  автомобиль-жол колледжни, Къурулушчу колледжни эмда Къабарты-Малкъар къырал университетни майданларында да бардырыллыкъды.