Жерлешибиз - Россейни чемпиону Майкопда дзюдодан Россейни чемпионатында Къабарты-Малкъардан спортчу Алим Балкаров чемпион болгъанды, деп билдиргендиле эришиулени къурау комитетинден. Тюнене, 23 сентиябрде Майкопну «Якуб Коблев» спорт арасында Россейни чемпионаты ачылгъанды, анга къыралны 61 регионундан 530 спортчу къатышадыла. Бизни жерлешибиз беш кере тутушханында да, ол санда тёртюсюнде арсарсыз хорлап, 66 килограмм ауурлукъда Россейни чемпиону болгъанды. Балкаров Россейни чемпионатында Тюмень област ючюн сермешгенди. Бюгюн бла тамбала да дзюдодан къабарты-малкъар школаны келечилери «Якуб Коблев» спорт комплексде бардырылгъан эришиулеге къатышырыкъдыла. Бизни корр.
Поделиться:
Читать также:
19.04.2024 - 13:10 →
Тёзюмлю эм ышаннгылы къаячы
17.04.2024 - 14:44 →
Чаришле бийик даражада ётерча
16.04.2024 - 12:00 →
Сыйлы айгъа атап
16.04.2024 - 09:00 →
«Акбарсны» кубогундан – хорламла бла
16.04.2024 - 08:30 →
Уллу эришиуню аллында – ахшы сынам
| ||
