Солургъа сюйгенле Къабарты-Малкъарны сайлайдыла

Ростуризм Россей Федерацияны табигъатында солургъа къайры барыргъа сюйгенлерини юсюнден, беш жерни белгили этгенди. Ары Россейни юг жанындан (Кърым бла Краснодар край), Шимал Кавказдан  (Дагъыстан, Къабарты-Малкъар, Карачай-Черкесия), Уралдан (Башкортостан бла Челябинск область) эм Алтай бла Карелия киредиле.

Жолоучула ол регионлагъа альпинизм бла кюреширге, тау тёппелеге чыгъаргъа эм табигъатха къарап, бек бийик болмагъан жерледе айланыргъа, атлагъа минерге эм тау сууладан энишге къайыкъла бла тюшерге келиучюдюле. Аланы хар бирини кесини сюйген жери барды. Кавказда терк баргъан тау суулары, чучухурлары, кёллери бла ариу - аламат, бир жерде да къайтарылмагъан тарла, Челябинск областда «Таганай» заповедник,  Алтайда — сейирлик ариу таула,Телецк кёл, чучхурла эм башха башха ариу жерле бардыла,  деп билдиргендиле Ростуризмден.

Бизни корр.

Поделиться: