Жангы мектепде сабийлени окъутууну къуралыууна эс бургъандыла

Районлагъа жолоучулукъну чегинде Казбек Коков Май муниципал районну Ново-Ивановское элинде биринчи сентябрьде ачылгъан битеулю билим берген учрежденияда – 7-чи нормерли лицейде – болгъанды. Ол Май районну администрациясыны таматасы Татьяна Саенко эм лицейни директору Елена Хиврич бла тюбешгенди, жангы мектепде сабийлени окъутууну къуралыу сорууларын сюзгенди.

Жангы махкемеде 440 билим бериу жер барды. Школа-лицейни къурулушун «Шимал-Кавказ федерал округну айнытыу» къырал программаны жашауда бардырылыууну хайырындан тындырыргъа онг болгъанды. Билим бериу учрежденияны ишлеуге республикагъа 343 миллион сом бёлюннгенди.

Лицейде аш хазырлаучу жер, медицина кабинет, фильмотека, актовый зал эм башы жабылгъан спортзал бардыла. Ара блокда окъутуу эм лаборатор классла, къошакъ дерсле бардыргъан отоула орналыпдыла. Комплексге футбол майданы бла стадион, бескетбол эм волейбол майданла, энчи котельня эм резерв генератор установка къошуладыла. Сабийлеге мында битеу тийишли онгла къуралыпдыла.

Эсигизге салайыкъ, биринчи сентябрьде республикада юч жангы школ ачылгъанды – Чегем шахарда, Солдатская станицада эм Ново-Ивановское элде. Быйыл республикада энтта тёрт мектепни къурулушу башланырыкъды: Прохладный бла Нарткъала шахарлада, Куба-Таба эм Красносельское элледе.

2022 жылда дагъыда тогъуз школну къурулушларын башларгъа мурат этиледи, бусагъатда федерал даражада бир-бир сорууланы келишдириу бла кюрешедиле. 2023 жылда 1500 жери болгъан уллу битеулю билим берген мектепни къурулушун башларгъа белгиленипди. Битеу да бирге республикада 2024 жылгъа 8,5 минг жангы школ жерле къураллыкъдыла.

Андан сора да, регион Россейни Президентини башламчылыгъы болгъан эл школланы тынгылы ремонтларыны бешжыллыкъ федерал программасына киргенди. Анга Къабарты-Малкъар Республиканы 63 мектебинде 75 мекям къошулгъанды. Регион ырысхыгъа эм СКФО-ну айнытыу программагъа кёре? быйыл 2 учреждениягъа ремонт этилгенди, энтта эки школну тынгылы жангыртылыныулары жылны ахырына тамамланырыкъды.