Рейд тинтиуле бардырыладыла

Россей Федерацияны КъМР-де МВД-сыны, КъМР-ни Транспорт эмда жол мюлк министерствосуну эмда СКФО-да Ространснадзорну араларында жангы окъуу жылны аллында къол салыннган келишимге тийишлиликде жамауат транспортну арасында рейд тинтиуле бардырыладыла. Ала адамланы ташыучула транспорт законодательствогъа бузукълукъ этилгенине бла къалгъанына къарайдыла.

Тинтиуле Нальчик шахар округга кирген жерледе бардырыладыла. Пассажирлени заманларын кёп алмаз ючюн, тинтиу бардыргъанла 2-3 минутну ичинде ишлерин тамамларгъа тийишлидиле.

Битеу да 4 сентябрьден 14 сентябрьге дери адамланы жюрютген 220 автобус тинтилгенди. Ачыкъланнган бузукълукълагъа кёре 38 административ материал жарашдырылгъанды. Бузукълукъ  ачыкъланнганы, асламында путевой листлени тап жарашдырылмагъаны, маршрутуну картасы, водительни тахограф картасы къоркъуусузлукъну бел бауу ОСАГО полиси болмагъаны бла байламлы эди.

"Хурметли водительле эмда транспорт компанияланы оноучулары! Пассажирлени жюрютюуню жорукъларына бузукълукъ салыргъа жарамагъанын эсге дагъыда бир кере салабыз. Рейдле мындан ары да бардырыллыкъдыла", - деп билдиргендиле министерствону пресс-службасындан.