Жыйырма жылны бугъуп тургъандыАскер бёлюмден эркинликсиз кетгени ючюн федерал излеуде болгъан прохладначы Краснодарда табылгъанды. Ол право низамны сакълаучуладан 20 жылны бугъуп тургъанды. Тинтиуледен белгили болгъаныча, 19-жыллыкъ эр киши 2000 жылда аскерде къуллукъ этерге чакъырылгъанды. Ол Москва областьда Наро-Фоминск шахарда бёлюмге тюшгенди. Алай июльда ол къуллукъ этген жеринден къачып, андан бери бугъуп тургъанды. Наро-Фоминск аскер гарнизонну прокуратурасы анга РФ-ни УК-сыны 337-чи статьясыны 4-чю кесегине кёре терслеу материалла ачхан эди. 13 жыл озгъандан сора уа, 2013 жылда августда, жашны анасыны тилеги бла сюд прохладначы ауушханыны юсюнден оноуну чыгъаргъанды. Болсада КъМР-де МВД-ны уголовный розыскыны къуллукъчулары Краснодарда коллегалары бла бирге излеу жумушла толтуруп, прохладначы Москва областьда бла Краснодар крайда болгъанын тохташдырып, аны бу кюнледе тутхандыла. Ол РФ-ни Следствие комитетини Краснодар гарнизонда аскер-следствие бёлюмюне берилгенди.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|