Миллет аш хазнабыз ючюн къол кётюрейик

Быйыл «Россейни татыулары» аш-азыкъны миллет конкурсуна Къабарты-Малкъарны атындан сегиз регион бренд жиберилгенди. Аны юсюнден Эл мюлк министерстводан билдиргендиле.

Россейни Эл мюлк министерствосу бардыргъан конкурс сегиз номинацияда ётерикди. Бизни республика аланы бешисине къатышырыкъды. Бу жол малкъар хычинледен, гара сууладан, алмадан, къабарты бишлакъдан, Зольск районну картофундан, Кахунну бадыражанларындан сора да, къабартылы халыуа эм терекчилеча къаз бишириу да кёргюзтюллюкдю.  

Алай бла «Аш хазнабыз» эм «От жагъагъа къошулугъуз» номинациялада  хычинле, халыуа эм биширилген къаз кёргюзтюллюкдюле. «Табийгъатны татыулары» бёлюмде уа алманы, гара сууланы, картофну, помидорну кёрмючю къураллыкъды. Къабартылы бишлакъ а «Айырмалы аш-азыкъ» номинациягъа киргенди. Аланы хар биринде да юч алчы жер боллукъду.

Конкурсну жорукъларына кёре, регионланы аш-суулары ючюн 20 октябрьден башлап 7 ноябрьге дери жамауат къол кётюрлюкдю. Чыгъарылгъан эсеплеге кёре, юч хорлагъан белгиленирикди.