Эсгертмеге – ариу гюл къысымла

Къабарты-Малкъар Республиканы Къыраллыгъыны кюнюнде аны азатлыгъы ючюн жанларын-къанларын аямай сермешгенлеге баш уруу, Нальчикде солуу паркда Ёмюрлюк отха гюлле салыу ахшы тёреге айланнганды. Ма бу жол да эсгертмени кёпле жокълагъандыла. Алгъаракъдан окъуна алайгъа шахар администрацияны, жамауат организацияланы, миллет маданият араланы келечилери келген эдиле, жаш адамла, ата-аналары бла сабийле да кёп эдиле.

Ала Ата журтну эмда республиканы къоруулай жан бергенлени хурметине бир минутну шош сюелгендиле. Андан сора Нальчик шахар округну администрациясыны башчысы Таймураз Ахохов бла Урушну, урунууну да ветеранларыны шахар советини таматасы Абдуллаланы Мустафа бла бирге эсгертмеге гюлле салгъандыла.

Ызы бла мемориалны къатында "Жигитле ёмюрде да эсде турлукъдула" деген эсгертмеге да гюл къысымла салыннгандыла.