Шёндюгю излемлеге келишедиКёп болмай, Къабарты-Малкъарны Къыраллыгъыны эм Билим бериуню кюнлерине жораланып, Чегем районда 500 окъуучугъа мектеп бла 140 сабийге садик ачылгъандыла. Социал магъаналы объектле «Билим бериу» эм «Демография» миллет проектлеге кёре ишленнгендиле. Къууанчлы жыйылыугъа КъМР-ни Правительствосуну, Парламентини, РФ-ни Къырал думасыны депутатлары, ич ишлени келечилери эм башхала къатышхандыла. Республиканы Правительствосуну Председатели Мусукланы Алий, байрамны ача, жангы билим бериу учрежденияланы къурулушу федерал араны болушлугъу бла бардырылгъанын чертип, мында жарыкъландырыу эм юйретиу ишге да тынгылы тамамланырыкъларына ышаннганын белгилегенди. Ызы бла Чегем районну администрациясыны башчысы Юра Борсов да, айтылгъан сёзлеге къошула, мындан арысында да муниципалитетде сабийлеге тап болурча бар амалла хайырланырыкъларын айтханды. Бюгюнлюкде билим бериу учреждениялада бийик квалификациялы устазла бла юйретиучюле уруннганларын, ала борчларын ажымсыз толтургъанларын белгилеп, ол этилген муратлагъа жетерге битеу онгла болгъанларын чертгенди. Эсге сала айтсакъ, мектепни уллулугъу он минг квадрат метрден аслам болады. Аны къурулушунда жангы материалла эм технологияла хайырланылгъандыла. Кеси да бюгюннгю оборудование бла жалчытылыннганды. Ол себепден объект айбатлы этилгенден сора да, къоркъуусузлукъ жаны бла да бар мардалагъа толу келишеди - тёгерек-башда камерала, от ёчюлтюучю эм башха системала ишлейдиле.
Поделиться:
Читать также:
28.03.2024 - 08:05 →
Къабарты-Малкъар Республиканы Башчысы К.В.Коковну Малкъар халкъны жангырыууну кюню бла алгъышлауу
27.03.2024 - 15:38 →
Жамауатны жанындан ышаныулукъ уллу болгъаныны белгисиди
23.03.2024 - 19:28 →
Казбек Коков Красногорскде ажымлы ёлгенлеге деп этилген мемориалгъа гюлле салгъанды
23.03.2024 - 19:25 →
КъМР-де адамла аслам жыйылгъан мероприятияла болжаллы халда бардырыллыкъ тюйюлдюле
23.03.2024 - 04:48 →
Казбек Коков «Крокус Сити» концерт залда ёлгенлени юйюрлерине къайгъы сёз бергенди
|