Экстремистге болушуп тургъаны ачыкъланнгандыКёп болмай РФ-ны МВД-сыны Къабарты-Малкъарда следствие бёлюмю Экстремизмге къажау араны материалларына кёре ачылгъан уголовный ишни бардырып бошагъанды. Ачыкъланнган шартлагъа кёре, Россейде закон бла эркин этилмеген «Ислам къырал» халкъла аралы терроризм организация тутхан ниетлеге бюсюреген, алай аны санына кирмеген 35-жыллыкъ урухчу жууапха тартылгъанды. Ол талай заманны организацияны келечисине, Лескен райондан 25-жыллыкъ жашха, жашау журт, аш-азыкъ берип жалчытханды эм машинасы бла жумушуна жюрютгенди. Тенги 2015 жылда ич ишлени органларына чабыууллукъ этген кезиуде ёлгенди. Быйыл февральда полициячыла, УФСБ-дан коллегалары бла байламлыкъда ОМОН–ну къаууму да болушуп, башда сагъынылгъан инсанны тутхандыла. Аманлыкъчыгъа РФ-ны Уголовный кодексини 33-чю статьясыны 5-чи кесегине эм 205.5-чи статьясыны 2-чи кесегине тийишлиликде уголовный иш ачылгъанды.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|