Школну арбазы – гоккалы талачаХасанияны Фрийланы Рамазанны атын жюрютген 16-чы номерли школу 1 сентябрьде отуз сабийге эшигин биринчи кере ачханды. Аны арбазы уа гоккалы талагъа ушай эди - къууанчлы линейкагъа келген къызчыкъланы бла жашчыкъланы къолларында уллу гюл къысымла, шарла да бар эдиле. Окъуучуларыны кёллерин кётюрюр ючюн деп, мектепде ишлегенле сахнаны, байрам бардырыллыкъ жерни да омакъ жасагъандыла. Хасаниячыланы байрамларына уа Нальчик шахар округну билим бериу департаментини баш специалисти Мадина Жирикова да келгенди. Ол, мектепни директору Чочайланы Люба да окъуучуланы алгъышлагъандыла, насийхат сёзле да айтхандыла. Биринчи къонгуроуну уа Холамханланы Камиль бла Жангоразланы Элина къакъгъандыла. Андан сора жангы окъуучула, устазлары Созайланы Фазика Ахматовна бла жангыртылгъан классха кирип, ким къайсы партада олтурлукъларын билгендиле.
Поделиться:
Читать также:
08.05.2024 - 14:10 →
Эришиуле Тогъузаланы Кемалны хурметине жораланадыла
08.05.2024 - 10:41 →
Газетни къадары кеси къолубуздады
08.05.2024 - 09:09 →
Хайырланыучулагъа хар жаны бла да тап тюшерча
07.05.2024 - 14:10 →
Тыш къыралдан келгенле экзаменле берликдиле
07.05.2024 - 09:11 →
«ЗАМАННЫ»- хар таулу юйюрге
|