В. Матвиенко Къабарты-Малкъарда жашагъанланы Къыраллыкъны кюню бла алгъышлагъанды

РФ-ни Федерация Советини Федеральный Жыйылыууну Председатели Валентина Матвиенко Къабарты-Малкъарны Башчысы Казбек Коковну, КъМР-ни Парламентини таматасы Татьяна Егорованы эм Къабарты-Малкъарда жашагъанланы Къыраллыкъны кюню бла алгъышлагъанды, деп билдиргендиле Федерация Советни пресс-службасындан.

Алгъышлау телеграммада Валентина Матвиенко Къабарты-Малкъарны сейирлик табийгъат байлыгъы эм аламат тарых-маданият хазнасы болгъанын айтханды.

«Республиканы аслам халда рекреация онглары барды, ала орналгъан жерле халкъла аралы излемлеге келишедиле, туризмни айныууна себеплик этедиле, ол а регионну магъаналы бёлюмлеринден бириди», - дегенди Федерация Советни оноучусу.

Матвиенкону айтханына кёре, къонакъбайлыкъ эм республикада жашагъанланы ачыкълыкълары бла халаллыкълары кёп къонакъланы ары келиулерине къошумчулукъ этедиле, «ала ол тау жерлени ёмюрлеринде унутмазча сюйюп къоядыла».  

«Къабарты-Малкъар производство кючлерин да кёбейте барады, эл мюлкню эм промышленностьну магъаналы бёлюмлеринде инновациялы технологияла кийириледиле, комплексли проектле хайырланыладыла», - деп белгилегенди В. Матвиенко.

Матвиенко дагъыда Къабарты-Малкъар Республикада къырал власть органла адамланы жашауларын игилендириу жанына уллу эс бургъанларын, экономикада эм социал бёлюмде сорууланы тамамлаугъа, предпринимательлик ишде башламчылыкъны айнытыргъа онгла бергенлерин чертгенди.

«Ийнанама, мындан арысында да республикада жашагъанла Ата журтубузну кючлеуге эм айныууна къошумчулукъ этип турлукъларына», - деп белгилегенди Валентина Матвиенко.

Бизни корр.

 

Поделиться: