Мектепден тышында юйрениуню ахшы амалы

Жангы окъуу жыл жетди, 1 сентябрьде сабийле къуру школда угъай, къошакъ билим берген учреждениялада да окъуп башларыкъдыла. Бюгюнлюкде къошакъ билим бериу бла республиканы жарыкъландырыу, илму эмда жаш тёлюню ишлери жаны бла, Спорт эм Культура министерстволарыны мурдорларында къурагъан учрежденияла, энчи иели организацияла эм предпринимательле къурагъан организацияла.

Окъуучулагъа тюз сайлау этген алай тынч тюйюлдю. Болсада, гитчелеге тынчлыкъгъа  «сабийлеге къошакъ билим бериуню навигатору» деген сервис жарашдырылгъанды, аны интернетде адреси: www.kbr.pfdo.ru.

Навигаторда бюгюнлюкде 400 къошакъ билим бериу организация  эсепге тюшгендиле. Алада техника, илму, туризм-краеведение, физкультура – спорт, социально – гуманитар эм талай башха  жаны бла  къошакъ билим алыргъа боллукъду. Алай бла ата-анала балаларына сейир кёрюннген программаны юйден чыкъмай сайлап, кружоклагъа жаздыраллыкъдыла. Аны ючюн сабийлеге къошакъ билим бериуню навигаторуна регистрация этилирге керекди, аны юсю бла энчи кабинетге кирликсиз, бек башы уа, къошакъ билим алгъаныгъызны юсюнден сертификат берилликди.

Сертификат – ол билдириу системада сизни энчи номеригизди, аны болушлугъу бла билим бериуню порталында: kbr.pfdo.ru сизге керек затланы аллыкъсыз. Эркин жерле бар эселе, программаны сайлайсыз, ары сертификатыгъызны номерин кийиресиз, алай бла программагъа къошуласыз. Навигаторда битеу программала реестрлеге бёлюнедиле. Бюджет реестрледе программала ахча бла муниципал эм регион бюджетледен жалчытылынадыла.

Сертификатха тюшген ахчаны жыяргъа, ахчаны андан алыргъа, аны башха жерге ётдюрюрге жарамайды. Сертифицированный программагъа жазылгъан эсегиз, сертификатыгъызгъа анда окъууну багъасына кёре тенг ахча тюшеди. Бюджетден сертификатха тюшген ахча бир окъуу жылгъа бериледи.

Сабий сертификатны бир кере алады, ол аны 18 жылына дери жарайды. Регистрацияларын kbr.pfdo.ru порталда ётген, къыралныкъы болмагъан учрежденияла эм энчи предпринимательле да окъуугъа сертификатха кёре аллыкъдыла.

Андан тышында, телеграмм-канал ачылгъанды, анда ата-анала сертификатны алыуну, къошакъ программалагъа жазылыуну юсюнден, дагъыда башха тюрлю сорууларыгъызны сораллыкъсыз. Алагъа жууапланы регион модель араны ишчилери берликдиле. Каналгъа t.me/navigatorkbr. Ссылка бла кирип къошулургъа боллукъду.