Тири байламлыкъда ишлерге алланып

Кёп болмай КъМР-ни саулукъ сакълау министри Рустам Калибатов «Здравствуй» деген онкологиядан ауругъан саусузланы  ассоциациясыны  таматасы, РФ-ни Президентинде граждан обществону айнытыу эм адамны эркинлигин сакълау советини келечиси Ирина  Боровова эм СКФО-да  бёлюмюню башчысы, «Светлячок»  онкоблогерча белигили  Оксана Келехсаева бла тюбешгенди.

Аны кезиуюнде Ассоциацияны келечилери  келир заманнга  планларыны юсюнден билдиргендиле эм республиканы Саулукъ сакълау министерствосу бла  байламлыкъда ишлерге  келишгендиле.   

Ызы бла ол кюн Москвадан къонакъла республиканы  Онкология диспансеринде да болуп   иши бла шагъырейленнгендиле. Ол санда коллегаларына презентация бардырып багъыуда хайырланылгъан жангы амалланы эм   жетишимлерини юсюнден билдиргендиле. Нальчикни Тиширыуларыны, Саулукъ сакълауну советини келечилерини эм медицина учрежденияда жатхан  саусузланы да сорууларына  жууапла бергендиле.

Эсге сала айтсакъ, онкологиядан ауругъанланы  Ассоциациясы 2016 жылда къуралгъанды.  Ол  ракдан ауругъанланы бирикдиреди. Аны ишини  магъанасы   бирсилеге себеплик  этергеди -   аурууну тинтирге, реабилитация бардырыргъа, врачланы, фондланы табаргъа эм  жангы багъыу амалланы юсюнден билдирирге. Бюгюнлюкде аны бёлюмлери 58 регионда ишлейдиле.