Сабийге прививка этерден алгъаВакцинация кёп къыйын инфекция аурууланы багъыуда уллу жерни алады. Аны хайырындан мингле бла адамланы ёлтюрген оспа аурууну хорлагъанбыз. Ол корьдан, краснухадан, дифтериядан, столбнякдан ауушханланы санын иги да азайтыргъа себеплик этгенди. Прививкалагъа адамны чархы бирча «жууап» бермеучюдю. Ол асламысында норма бла патологияны арасында болуучуду. Ол а имунный системаны халы бла байламлыды. Аны ючюн бир жорукъгъа уллу кёллюлюк этерге жарамайды – привиканы жангызда ол кезиуде аурумагъан сабийге неда ол сау болуп бир-эки ыйыкъ ётгенден сора этерге керекди. Ата-анала балаларына привика этдирирден алгъа, осложненияла болмаз ючюн, докторгъа ары дери этдирилген вакцинацияланы сабий къалай кётюргенини, ол ахыр кезиуде не бла ауругъаныны, аны багъыуда къаллай дарманла (гормональный, антибиотикле, иммуноглобулинле) хайырланылгъанларыны юсюнден толу айтыргъа керекдиле. Дагъыда кёп вакциналагъа белокла, антибиотикле къошулуучудула. Алагъа аллергия бар эсе, привиканы этдирирге жарамайды. Вакцинация биринчи кере этиле эсе, анализлени берирге да унутмагъыз. Сёз ючюн, къанда лимфоцитлени кёбейгенлери аллергиягъа келтирирге боллукъду. Лейкоцитлени саны ёсюгени уа ауругъаны болгъанын кёргюзтген шартладан бириди. Къанда башха тюрлениуле эсленнген эселе, ала аны ауругъанын – иммунодефицитни – баямларгъа да боллукъдула. Иммунограммагъа врач кеси энчи къоркъуулу кезиуледе ийиучюдю. Терк-терк ауруучу сабийлеге уа прививкала жайда этилселе игиди. Жылы заманлада адамны чархы витаминлени кереклисича бир алады, аны иммунитети кючлю болады. Бу кезиуде сабийни саулугъуна къоркъуу чыкъмазча, анга жангы затла ашатмазгъа, анга жукъмазча ауругъан адамланы къатларында тутмазгъа, кереклисича бир жукълатыргъа, халкъ аслам жыйылгъан жерге элтмезге тийишлиди. Прививка этилгенден сора баланы халине иги къараргъа керекди. Ол вакцинаны тюрлюсюне кёре айгъа дери созулуучуду. Аны къарыусуз болгъанын эслесегиз, мычымай врачха элтигиз.
Поделиться:
Читать также:
19.04.2024 - 12:36 →
«Хар инсан да саулукълу болса сюеме»
15.04.2024 - 13:31 →
Жангы излемлеге келиширикди
15.04.2024 - 13:28 →
Жангызды эмда къыйматлыды
15.04.2024 - 12:29 →
Къыш озгъанды, алай тамакъ ауруула уа тиридиле
11.04.2024 - 09:00 →
«Ауруу - ол тюнгюлюп къалыу тюйюлдю»
|