Буруннгулу хазналаны кёрюрге сюемисиз?

КъМР-ни Миллет музейинде «Къабарты-Малкъарны археология хазнасы» деген кёрмюч бардырылады бу кюнледе. Аны тарыхны эмда культураны эсгертмелерин къоруулау жаны бла Битеуроссей жамауатны жер-жерли бёлюмю къурагъанды. Материалланы Кавказны археологиясыны институту, КъМР-ни гуманитар тинтиуле институту, «Наследие» къырал предприятие бергендиле.

Экспозициягъа республикада башха-башха жыллада бардырылгъан экспедицияланы кезиуюнде табылгъан экспонатла бардыла. Анда таш, темир-багъыр эмда темир ёмюрледен: къобан, майкоп культураладан, скифлени кезиуюнден бери сакъланнган артефактланы кёрюрге боллукъду.

Эсге сала айтсакъ, Кичибалыкъда Къырал Эрмитажны экспедициясы ишлей турады. Анда ала бизни эрагъа дери 6-8 ёмюрледе къуралгъан къобан-скиф шиякыны тинтедиле. Ол жерде табылгъан затла, ол санда жезден этилген бёрк, бууунлукъла, садакъ окъла, бел баула да.

Быладан сора да бардыла къарарыкъ затла. Озгъан ёмюрде тинтилген кешенеледе табылгъанла да.

Кёрмючде ара жерни республиканы тийресинде ишлеген археолог алимлени суратлары аладыла. Бу иш кеси да 15 августда белгиленнген Археологну кюнюне жораланады, 25 октябрьге дери бардырыллыкъды.