Наркотикле сатханды

Кёп бомай Уголовный управленияны ишчилери КъМР-де МВД-ны Наркотиклеге къажау управлениясыны келечилери бла бирге оператив-излеу иш бардыргъан кезиулеринде Нальчикде Иллазаров атлы орамда ишеклик туудургъан бир кишини тохтатхандыла. Ол Нарткъалада жашагъан 31- жыллыкъ жаш болуп чыкъгъанды.

Полициячыла тинтиу ишле бардыргъанда, анда къаралдым заты бла 46 полимер пакетчикле тапхандыла.

Жаш ала наркотикле болгъанларын эмда Интернет бла танымагъан адамындан алгъанын айтханды. Ызы бла ол полициячылагъа шахарда наркотиклени салгъан жерлерин да кёргюзтгенди.    

Экспертиза этилгенден сора пакетледе 17,47 грамм «методон» наркотик болгъаны ачыкъланнганды. Ол шарт бла байламлы Нальчикде УМВД-ны келечилери РФ-ни Уголовный кодексини 228.1-чи статьясыны 2-чи кесегине эм 228.1-чи статьясыны 4-чю кесегине тиийшлиликде (Интернетни хайыры бла аслам санда наркотик сатханы ючюн) аманлыкъчыгъа уголовный иш ачхандыла.